សម្តេចក្រឡាហោម ស ខេង បានអញ្ជើញជាអធិបតីដ៏ខ្ពង់ខ្ពស់ ក្នុងពិធីកាត់ឬសសីមាសម្ពោធឆ្លងព្រះវិហាថ្មី វត្តអូរជុំឧត្តមសាមគ្គី ស្ថិតនៅភូមិអូរ ឃុំសន្តិភាព ស្រុកសំពៅលូន ខេត្តបាត់ដំបង


 

ព្រឹកថ្ងៃ ពុធ ០១រោច ខែជេស្ឋ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី ៣០ ខែឧសភា ឆ្នាំ២០១៨ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្រ្តីក្រសួងមហាផ្ទៃ បានអញ្ជើញជាអធិបតីដ៏ខ្ពង់ខ្ពស់ ក្នុងពិធីកាត់ឬសសីមាសម្ពោធឆ្លងព្រះវិហាថ្មី វត្តអូរជុំឧត្តមសាមគ្គី ស្ថិតនៅភូមិអូរ ឃុំសន្តិភាព ស្រុកសំពៅលូន ខេត្តបាត់ដំបង ។ ពិធីក៏មានការអញ្ជើញចូលរួម ពីឯកឧត្តម លោកជុំទាវ សមាជិកព្រឹទ្ធសភា រដ្ឋសភា ទីប្រឹក្សារាជរដ្ឋាភិបាល សមាជិករាជរដ្ឋាភិបាល ឯកឧត្តម ប្រធានក្រុមប្រឹក្សាខេត្ត ឯកឧត្តម អភិបាលខេត្ត ឯកឧត្តម លោកជំទាវ សមាជិកក្រុមប្រឹក្សាខេត្ត អភិបាលរងខេត្ត មន្ទីរ អង្គភាព ជុំវិញខេត្ត អាជ្ញាធរស្រុក ប្រជាពលរដ្ឋ ពុទ្ធបរិស័ទ លោកគ្រូ អ្នកគ្រូ សិស្សានុសិស្ស យុជន បានអញ្ជើញចូលរួមយ៉ាងច្រើនកុះករ ។ សូមជម្រាជូនបថា ស្រុកសំពៅលូនជាស្រុកមួយក្នុងចំណោមស្រុក ក្រុង ទាំង១៤ របស់ខេត្តបាត់ដំបង ដែលមានវត្តចំនួន១៤ និងព្រះសង្ឃមានចំនួន៩៨អង្គ អាចារ្យ គណៈកម្មាចំនួន៤០នាក់ យាយជីតាជីចំនួន ១៦នាក់ ។ វត្តអូរជុំឧត្តមសាមគ្គី បានផ្តើមកសាងឡើងក្នុងឆ្នាំ២០០២ដោយមានការផ្តួចផ្តើមពី ឧបាសក បៀន ប៊ុន ឧបាសក កៀន កុល លោកមេភូម មេឃុំ ព្រះទាំងពុទ្ធបរិស័ទបានរៀបចំកសាងវត្តនេះឡើង ហើយបាននិមន្តព្រះតេជគុណ សួន សាភឿង មកធ្វើជាចៅអធិការវត្ត ។ វត្តអូរជុំឧត្តមសាមគ្គី មានផ្ទៃដីចំនួន ២២,៥០០ ម៉ែត្រក្រឡា ។ ចំណាយសរុបសម្រាប់សាងសង់ព្រះវិហារថ្មីអស់ចំនួន ៩៩៤.០០០.០០០ រៀល និងបានបច្ច័យចូលរួមពីសប្បុរសជន មន្ត្រីរាជការ ព្រមទាំងពុទ្ធបរិស័ទចំណុះជើងវត្ត ។

941D75B8-0A99-41A3-B89D-D3111EBD91BA 1FAC5500-4EDD-453A-847C-603025BF1813 1DBC35C1-B390-4989-A8D4-CA989EA67F76 3D0C9E42-CBFD-4218-9544-E155BA144E1D 51096B58-B05C-4659-9C74-7C8E2B75B8BD 421A91D9-8B33-49CD-8029-752C1F74EECF 92A098E6-F96A-430E-9E3B-5D3FFA54353E 37354701-55E9-416D-8C6A-EF00759A864E 4B822982-8510-4FE0-8293-C2E91F1F9F15 1B99F69F-BACC-4313-A107-D29C4DAAA1FD A365F394-A522-455F-A907-0761381D456A