រសៀលថ្ងៃព្រហស្បតិ៍ ១២កើត ខែផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ០៥ ខែមីនា ឆ្នាំ២០២០ គណៈកម្មាធិការគណបក្សប្រជាជនកម្ពុជា ខេត្តបាត់ដំបង បានរៀបចំកម្មវិធីឧទ្ទេសនាមឯកសារគោលការណ៍ការងារចាត់តាំង កសាងបក្ស និងឯកសារគោលការណ៍ អំពីតួនាទី ភារកិច្ច សិទ្ធិ រចនាសម្ព័ន្ធ អង្គការចាត់តាំង និងរបៀបរបបធ្វើការរបស់គណៈកម្មាធិការគណបក្សក្រសួង ស្ថាប័ន រាជធានី ខេត្ត ក្រោមអធិបតីភាពឯកឧត្តម សោម សឿន សមាជិកគណៈកម្មាធិការកណ្តាល និងជាប្រធានគណៈចាត់តាំងនៃគណៈកម្មាធិការកណ្តាលគណបក្សប្រជាជនកម្ពុជា ដោយមានចូលរួមឯកឧត្តមប្រតិភូអមដំណើរ ឯកឧត្តមប្រធាន អនុប្រធានគណៈកម្មាធិការគណបក្សខេត្ត ឯកឧត្តម លោកជំទាវសមាជិកអចិន្ត្រៃយ៍គណៈកម្មាធិការគណបក្សខេត្ត លោក លោកស្រីសមាជិកគណៈកម្មាធិការគណបក្សខេត្ត ព្រមទាំងលោក លោកស្រី ប្រធានគណៈកម្មាធិការគណបក្សក្រុង-ស្រុក ប្រធានស្នាក់ការបក្សក្រុង-ស្រុក ប្រធានគណៈចាត់តាំងនៃគណៈកម្មាធិការគណបក្សក្រុង-ស្រុក សរុបចំនួន ៩៧នាក់។
